The news is by your side.

Advertisement

بھارت میں عجیب واقعہ، پولیس حیران

نئی دہلی : بھارت میں پوتے نے اپنے دادا کو محض اس بات پر موت کے گھاٹ اتار دیا کہ انہوں نے پیسے دینے سے انکار کردیا تھا،پولیس نے ملزم کو گرفتار کرکے مقدمہ درج کرلیا ۔

تفصیلات کے مطابق بھارتی ریاست اترپردیش کے ضلع بجنور میں دادا کے قتل کا یہ افسوس ناک واقعہ پیش آیا ہے جس میں پوتے نے چند روپوں کی خاطر اپنے دادا کی جان لے لی۔

اس حوالے سے پو لیس کا کہنا ہے کہ بجنور ضلع کے تھانہ ریہڑ کے گاؤں صادق پور میں گزشتہ رات 30سالہ سوربھ چوہان اپنے دادا 80سالہ مراری سنگھ سے نشے کے لئے پیسے مانگ رہا تھا۔

پیسے نہ دینے کی سبب سوربھ نے اپنے دادا کو پہلے تو چھت کے زینے سے دھکا دے دیا۔ اس کے بعد لاتیں اور گھونسے مار مار کر اسے موت کے گھاٹ اُتار دیا، ملزم سوربھ چوہان اپنے دادا کی جان لینے کے بعد موقع واردات سے فرار ہوگیا تھا۔

واقعے کی اطلاع ملتے ہی پولیس نے جائے وقوعہ سے لاش کو قبضے میں لے کر پوسٹ مارٹم کیلئے اسپتال منتقل کردیا، بعد ازاں پولیس نے تعاقب کے بعد ملزم کو گرفتار کرکے اس کیخلاف قتل کا مقدمہ درج کرلیا ہے۔

fb-share-icon0
Tweet 20

Comments

comments

یہ بھی پڑھیں