نئی دہلی : پروٹوکول کا کلچر صرف پاکستان میں ہی نہیں بلکہ پڑوسی ملک بھارت میں بھی جڑیں مضبوط کر چکا ہے، بھارتی ریاست مدھیہ پردیش میں خاتون وزیر نے پروٹوکول کے دوران بھیک مانگنے والے بچے کو لات ماردی۔
وی آئی پی پروٹوکول کا ناسور نہ صرف پاکستان میں بلکہ بھارت سمیت کئی ملکوں میں پروان چڑھ چکا ہے، ان ممالک میں وی آئی پی شخصیات پروٹوکول کے نام پر درجنوں گاڑیوں کے ساتھ سفر کرتی ہیں، جس سے عوام کو شدید پریشانی کا سامنا کرنا پڑتا ہے۔
بھارتی ریاست مدھیہ پردیش میں خاتون وزیر نے پروٹوکول کے نام پر بھیک مانگنے والے بچے کو لات دے ماری، واقعہ اس وقت پیش آیا، جب اسٹیٹ منسٹر ایک تقریب میں شرکت کے لئے سڑک عبور کر رہی تھیں اور اچانک ایک چودہ سالہ بچہ بھیک مانگنے کے لئے ان کے سامنے آگیا۔
کسم مہادیلے نے بچے کو بھیک کے بجائے لات جڑ دی، جسے کیمرے کی نگاہ نے محفوظ کرلیا۔
