The news is by your side.

Advertisement

بھارت: راہول گاندھی گرفتار

نئی دہلی: کانگریس رہنما راہول گاندھی کو دھرنے کے دوران گرفتار کر لیا گیا۔

تفصیلات کے مطابق دہلی پولیس نے منگل کو وجے چوک میں راہول گاندھی اور پارٹی کے کئی دیگر ارکان کو حراست میں لے لیا ہے۔

کانگریس رہنما سونیا گاندھی کی ای ڈی میں پیشی کے خلاف سراپا احتجاج تھے، راہول گاندھی اور دیگر اراکان نے ایوان صدر جانے کی کوشش کی، جس کے بعد پولیس نے راہول گاندھی اور دیگر ارکان کو گرفتار کر لیا۔

راہول گاندھی کا کہنا ہے مودی سرکار کی جانب سے تحقیقاتی ایجنسیوں کا مبینہ غلط استعمال کیا جا رہا ہے۔

بھارتی میڈیا کے مطابق راہول گاندھی نے دیگر کانگریس ممبران پارلیمنٹ کے ساتھ پارلیمنٹ کے احاطے میں واقع گاندھی کے مجسمے سے وجے چوک کی طرف احتجاجی مارچ نکالا تھا۔

واضح رہے کہ کانگریس صدر سونیا گاندھی سے نیشنل ہیرالڈ اخبار سے منسلک منی لانڈرنگ کیس کے سلسلے میں انفورسمنٹ ڈائریکٹوریٹ (ای ڈی) میں دوسری بار پوچھ گچھ کی جا رہی تھی، پہلی بار ان سے پوچھ گچھ 21 جولائی کو کی گئی تھی۔

راہول گاندھی اور دیگر رہنما وجے چوک پر دھرنا دینا چاہتے تھے تاہم پولیس نے انھیں چوک پر جانے سے روک دیا، راہول گاندھی کا کہنا تھا کہ ہمیں وجے چوک پر بیٹھنے نہیں دیا جا رہا ہے، یہ ہے بھارت کی حقیقت کہ یہ ایک پولیس ریاست ہے۔

انھوں نے وزیر اعظم نریندر مودی پر تنقید کرتے ہوئے کہا کہ وہ ایک ‘راجہ’ بنے ہوئے ہیں۔

Comments

یہ بھی پڑھیں