پڑوسی ملک بھارت نے گرفتار چھ پاکستان ماہی گیروں کو رہا کر دیا ہے۔ گزشتہ میں پاکستان نے 20 بھارتی ماہی گیروں کو رہا کیا تھا۔
اے آر وائی نیوز کے مطابق بھارتی حکام نے 6 پاکستانی ماہی گیروں کو رینجرز حکام کے حوالے کر دیا۔ ماہی گیروں کو واہگہ بارڈر کے راستے پاکستانی حکام کے حوالے کیا گیا ہے۔
ماہی گیروں کو سمندری حدود کی خلاف ورزی پر بھارت نے گرفتار کرلیا تھا۔
گزشتہ ماہ پاکستانی حکام نے لانڈھی جیل میں قید 20 بھارتی ماہی گیروں کو جذبہ خیر سگالی کے تحت رہا کر دیا تھا جنہیں پاکستانی سرحدی حدود کی خلاف ورزی پر گرفتار کیا گیا تھا۔ قیدیوں کو بذریعہ واہگہ بارڈر بھارتی حکام کے حوالے کیا گیا۔
ذرائع کے مطابق ماہی گیروں کے سفری اخراجات ایدھی فاؤنڈیشن نے برداشت کیے۔ گرفتار ماہی گیر لانڈھی جیل میں سزائیں کاٹ رہے تھے۔
ڈپٹی جیل سپرنٹنڈنٹ کا کہنا تھا کہ پاکستانی جیلوں میں 588 بھارتی ماہی گیر قیدی موجود ہیں جن میں سے 42 کے کیسز چل رہے ہیں جب کہ 516 سزا یافتہ قیدی ہیں، بھارتی جیلوں میں 620 پاکستانی ماہی گیر اور دس سویلین قیدی موجود ہیں۔
