نئی دہلی: بھارت میں کرونا وائرس کی وبا ایک بار پھر تیزی سے سر اٹھا رہی ہے، گزشتہ 24 گھنٹوں کے دوران مزید 10 ہزار سے زائد کوویڈ کیسز رپورٹ ہوئے ہیں۔
بھارتی میڈیا کی رپورٹس کے مطابق بھارت میں آج رپورٹ کیسز کی تعداد 10 ہزار 158 ہے جبکہ گزشتہ روز 7 ہزار 830 کیسز رپورٹ ہوئے تھے۔
وزارت صحت کا کہنا ہے کہ ایک دن میں کرونا وائرس کے 30 فیصد کیسز میں اضافہ ہوا ہے جبکہ فعال کوویڈ-19 کیسز کی تعداد 4 کروڑ 42 لاکھ سے تجاوز کرگئی ہے جس کے بعد یومیہ مثبت کیسز کی شرح 4.42 فیصد ریکارڈ ہوئی ہے۔
- Advertisement -
سرکاری ذرائع کا کہنا ہے کہ بھارت میں کووڈ مسلسل بڑھ رہا ہے اور اگلے 10-12 دنوں تک کیسز بڑھیں گے تاہم اس کے بعد انفیکشن کم ہو جائے گا۔
