مہاراشٹر کے ضلع رائے گڑھ کے پارک میں میونسپل اسکول کے پارک میں 14 سالہ طالب علم دل کا دورہ پڑنے سے چل بسا۔
بھارت میڈیا رپورٹ کے مطابق مہاراشٹر کے ضلع رائے گڑھ کے ایک مشہور تھیم پارک اسکول میں 14 سالہ طالب علم دل کا دورہ پڑنے سے چل بسا، وہ اپنے دوستوں کے ساتھ پارک میں تھا۔
بھارتی میڈیا کے مطابق پولیس اہلکار کا اس حوالے سے کہنا ہے کہ یہ واقعہ منگل کو پیش آیا ہے، آٹھویں کلاس کے طالب علم آیوش دھرمیندر سنگھ کو اچانک بے چینی محسوس ہونے لگی جس کے بعد وہ بینچ پر بیٹھ گیا اور پھر اچانک زمین پر گر گیا۔
رپورٹ کے مطابق لڑکے کی طبعیت بگڑنے پر اسے اسکول میں ہی فسٹ ایڈ دیا گیا اس کے بعد اسے نجی اسپتال لے جایا گیا، جہاں ڈاکٹروں نے اسے مردہ قرار دے دیا۔
پولیس کا کہنا ہے کہ سرکاری میڈیکل آفیسر کی موجودگی میں پوسٹ مارٹم کیا گیا جس سے معلوم ہوا کہ لڑکے کی موت دل کا دورہ پڑنے سے ہوئی، اس واقعے کے بعد پولیس اسٹیشن میں اچانک موت کا مقدمہ درج کیا گیا ہے۔
واضح رہے کہ دل کا دورہ اس وقت ہوتا ہے جب دل کے پٹھوں کو آکسیجن نہیں ملتی، یہ عام طور پر اس وقت ہوتا ہے جب دل تک خون لے جانے والی شریانیں بند ہوجانے کی وجہ سے ہوتی ہے۔
