راولا کوٹ: بھارتی فوج کی جانب سے کنٹرول لائن پرایک بار پھربلااشتعال گولہ باری کی گئی جس کا پاک فوج کی جانب سے بھرپور جواب دیا گیا۔
تفصیلات کےمطابق بھارتی فورسز نے علی الصبح بٹل سیکٹراورمدارپورسیکٹر میں بلا اشتعال گولہ باری شروع کی جو وقفے وقفے سے جاری ہے، بھارت کی جانب سے شہری آبادیوں کو نشانہ بنایاجارہاہے۔
پاک فوج کی جانب سے بھر پور کارروائی کرتے ہوئے بھارتی فوج کی جارحیت کا منہ توڑ جواب دیا جارہا ہے۔
خیال رہے کہ حالیہ مہینوں میں بھارت کی جانب سے جارحیت اور بلا اشتعال فائرنگ کا سلسلہ وقفے وقفے سے جاری ہیں۔سرحد پار سے مارٹر گولے بھی استعمال کئے جاتے ہیں۔اب تک کئی شہری جنگی جنون کا شکار ہوچکے ہیں جبکہ املاک کو بھی شدید نقصان پہنچا ہے۔
مزید پڑھیں:بھارتی فوج کی ایل او سی پر گولہ باری، خاتون شہید، سات شہری زخمی
یاد رہے کہ گزشتہ ماہ بھارتہ فورسز کی جانب ہارٹ اسپرنگ، جند روڈ اور نکیال سیکٹر پربلا اشتعال فائرنگ کی گئی تھی جس میں ایک خاتون شہید اور سات افراد زخمی ہوگئے تھے۔
مزید پڑھیں:بھارتی ڈپٹی ہائی کمشنر کی طلبی، ایل او سی کی خلاف ورزی پر احتجاج
واضح رہے کہ رواں ماہ کے آغاز میں لائن آف کنٹرول پر بلااشتعال فائرنگ اور خلاف ورزی کرنے پر دفتر خارجہ نے بھارتی ڈپٹی ہائی کمشنر کو طلب کر کے احتجاج ریکارڈ کروایا اور مراسلہ بھی دیا تھا۔
