بھارتی ریاست اتر پردیش میں مذہبی تقریب کے دوران بھگدڑ سے 166 افراد ہلاک اور درجنوں زخمی ہوگئے۔
بھارتی میڈیا رپورٹ کے مطابق بھولے بابا کے تہوار کے دوران ایک عارضی ٹینٹ سے ہزاروں افراد کے نکلنے کے دوران بھگدڑ مچ گئی جس سے زیادہ تر بچے اور عورتیں ہلاک ہوئے ہیں۔
اتر پردیش ریاست کی پولیس کے حکام کے مطابق اب تک 166 افراد کی ہلاکت کی تصدیق ہوچکی ہے، حکام کے مطابق مرنے والوں میں 106 خواتین اور سات بچے بھی شامل ہیں جبکہ کئی زخمیوں کی حالت نازک ہے۔
- Advertisement -
حکام کا کہنا ہے کہ اترپردیش کے ضلع ہاتھرس میں ہندوؤں کی مذہبی تقریب کیلئے لوگوں کی بڑی تعداد جمع تھی، ابتدائی تحقیقات میں راستوں کی بندش اور حبس حادثے کی وجہ ہوسکتی ہے، پولیس واقعے کی مزید تحقیقات کر رہی ہے، ہلاکتوں میں اضافے کا بھی خدشہ ہے۔