بھارتی ریاست اتراکھنڈ کے وزیراعلیٰ تریویندر سنگھ نے استعفیٰ دے دیا۔
بھارتی میڈیا رپورٹ کے مطابق بھارتیہ جنتا پارٹی سے تعلق رکھنے والے وزیراعلیٰ ترویندر سنگھ راوت نے منگل کے روز اپنا استعفیٰ گورنر کو ارسال کیا۔
بعد ازاں میڈیا سے گفتگو کرتے ہوئے وزیراعلیٰ کا کہنا تھا کہ ’بھارتیہ جنتا پارٹی نے چار سال قبل مجھے یہ عہدہ دے کر خدمات انجام دینے کا موقع فراہم کیا‘۔
The party gave me a golden opportunity to serve this State for four years. I had never thought that I would get such an opportunity. The party has now decided that the opportunity to serve as CM should be given to someone else now: Trivendra Singh Rawat, BJP in Dehradun pic.twitter.com/cwj36xkSZd
— ANI (@ANI) March 9, 2021
اُن کا کہنا تھا کہ ’میں نے کبھی اتنے بڑے عہدے کے بارے میں سوچا تک نہیں تھا، پارٹی نے اعتماد کر کے وزیراعلیٰ کا منصب دیا جو میری بہت بڑی خوش نصیبی ہے‘۔
انہوں نے بتایا کہ ’پارٹی نے مجھے عہدہ چھوڑنے کی ہدایت کی جس پر میں نے انہیں یہ منصب واپس دے دیا کیونکہ اب بی جے پی نے مشترکہ طور پر نیا امیدوار لانے کا فیصلہ کیا ہے‘۔ ترویندر سنگھ کا کہنا تھا کہ ’وزیراعلیٰ کی تبدیلی کا اصل مقصد نئے چہرے کو سامنے لاکر کسی اور کو موقع دینا ہے تاکہ عوام کی خدمت کو یقینی بنایا جاسکے‘۔
Uttarakhand CM Trivendra Singh Rawat submitted his resignation today. While accepting his resignation, I have asked him to be the acting CM till a new CM is appointed and takes charge: Uttarakhand Governor Baby Rani Maurya pic.twitter.com/NmADWtSrCX
— ANI (@ANI) March 9, 2021