The news is by your side.

Advertisement

بھارت: پولیس افسر کا خودکشی کی کوشش کرنے والی خاتون سے انوکھا سوال!

ممبئی: پولیس کی حاظر دماغی کام کر گئی، سسرالیوں کے تشدد سے عاجز خاتون کو خودکشی کرنے سے روک لیا۔

تفصیلات کے مطابق واقعہ ممبئی میں پیش آیا، جہاں انیس سالہ خاتون ایک عمارت کی چھت پر چڑھ کر خودکشی کی کوشش کررہی تھی کہ مقامی لوگوں نے فوری طور پر پولیس کو اطلاع دی، خبر ملتے ہی پولیس حرکت میں آئی اور اعلیٰ حکام جائے وقوعہ پر پہنچے۔

پولیس کی بھاری نفری کو دیکھ کر خاتون نے دھمکی دی کہ وہ خودکشی کررہی ہے، تاہم اس وقت پولیس افسران نے حاضر دماغی سے کام لیتے ہوئے خاتون کو باتوں میں الجھادیا اور خودکشی کی وجہ دریافت کی، خاتون نے بتایا کہ اس کی کچھ ماہ قبل شادی ہوئی تھی، سسرال میں اس کی ساس اسے بہت اذیت پہنچاتی تھی، اسی لئے زندگی سے تنگ آکر میں خودکشی کرنے جارہی ہوں۔

خاتون کی جانب سے گفتگو کے دوران مقامی پولیس نےفائر بریگیڈ کے ساتھ مل کر عمارت کے نتیجے جال بچھادیا تاکہ کسی ناخوشگوار واقعے سے بچا جاسکے، اسی دوران عمارت کی چھت پر موجود پولیس اہلکاروں نے خاتون کو مزید باتوں میں الجھایا اور کہا کہ تم خود کشی کرنے جارہی ہو یہ سن کر تمہاری ماں بے ہوش ہوگئی ہے، تم اسے بھی اپنے ساتھ کیوں مارنا چاہتی ہو؟۔

پولیس اہلکار کی جانب سے جب یہ الفاظ ادا کئے گئے تو خاتون کچھ لمحے سوچنے لگی، اسی دوران پولیس اہلکاروں نے پھرتی کا مظاہرہ کرتے ہوئے خاتون کو پکڑلیا اور خودکشی کی کوشش ناکام بناڈالی، سوشل میڈیا پر ممبئی پولیس کے اس اقدام کی دل کھول کر تعریف کی جارہی ہے۔

Comments

یہ بھی پڑھیں