بھارت اور بنگلا دیش کے درمیان جاری کانپور ٹیسٹ میچ میں بندروں کی آمد روکنے کے لیے تربیت یافتہ لنگوروں کو سیکیورٹی کے لیے تعینات کیا گیا ہے۔
کانپور میں دوسرے ٹیسٹ میچ کے پہلے روز بنگلادیش کی ٹیم نے 3 وکٹوں کے نقصان پر 107 رنز بنالیے ہیں، مومن الحق 40 اور مشفیق الرحیم 6 رنز کے ساتھ ناٹ آؤٹ ہیں۔
ذاکر حسن بغیر کوئی رن بنائے پویلین لوٹ گئے، شادمان اسلام 24 رنز بنا کر آؤٹ ہوئے، کپتان نجم الحسن شنٹو کو 31 رنز پر ایشون نے آؤٹ کیا۔
بھارت کی جانب سے آکاش دیپ نے دو اور روی چندر ایشون نے ایک وکٹ حاصل کی۔
تاہم حیران کن طور پر کانپور کے اسٹیڈیم میں بندروں سے بچاؤ کے لیے تربیت یافتہ لنگوروں کو سیکیورٹی پر تعینات کیا گیا ہے۔
وینیو ڈائریکٹر سنجے کپور کا کہنا ہے کہ اسٹینڈز میں موجود براڈ کاسٹرز کو بندروں کی جانب سے کھانے پینے کی اشیا چھیننے کا خطرہ ہوتا ہے۔
انہوں نے بتایا کہ باؤنڈری لائن کے پیچھے موجود اسٹینڈ جہاں براڈ کاسٹر کیمرے اور دیگر سامان رکھتے ہیں اسے ایک ساہ کپڑے سے ڈھانپ دیا گیا ہے تاکہ بندروں کو کھانے پینے کی چیزوں کو دیکھنے اور انہیں چووی کرنے سے روکا جاسکے۔
وینیو ڈائریکٹر کا کہنا تھا کہ بندر لنگوروں سے ڈرتے ہیں اسی لیے لنگوروں کو تعینات کیا گیا ہے تاکہ بندر اسٹیڈیم میں داخل نہ ہوسکیں۔
