کولکتہ : بھارت اور جنوبی افریقہ کے درمیان تین میچز کی سیریز کا آخری ٹی ٹوئنٹی میچ آج کولکتہ میں کھیلا جائے گا، جنوبی افریقہ سیریز میں پہلے ہی دو صفر کی فیصلہ کن برتری حاصل کرچکا ہے۔
بھارتی کو ابتدائی دونوں ٹی ٹوئنٹی میچز میں ناکامی کا سامنا کرنا پڑا، سیریز کا تیسرا اور آخری میچ رسمی کارروائی ثابت ہوگا، اس میچ کی ہار جیت سے سیریز کے نتیجے پر کوئی فرق نہیں پڑے گا۔
بھارت کرکٹ ٹیم کو ساکھ بحالی کے لئے میچ میں کامیابی حاصل کرنا ضروری ہے، کٹک میں شائقین کی ہنگامہ آرائی اور بھارت کی شکست بعد کولکتہ میں سیکیورٹی ہائی الرٹ کردی گئی ہے۔
آخری ٹی ٹوئنٹی کے لئے بھارتی ٹیم میں دو تبدیلیاں متوقع ہے، اکسر پٹیل کی جگہ امیت مشرا کو موقع دیا جاسکتا ہے۔ جبکہ شیکہر دھوان کے مسلسل ناکام ہونے کے بعد اجنکا رہانے کو ٹیم میں شامل کیا جائے گا۔
