بھارت میں ایک عجیب و غریب واقعہ پیش آیا ہے، جہاں بیوی نے غصے میں گرم گرم چمچ سے شوہر کا چہرہ جلا دیا۔
بھارتی میڈیا رپورٹ کے مطابق بھارت کے شہر حیدر آباد میں آپسی جھگڑوں کے بعد برہم بیوی نے گرم گرم چمچ سے شوہر کو زخمی کردیا۔
بھارتی میڈیا رپورٹس کے مطابق بستی کے گنڈاپا نامی مزدور کا گزشتہ کچھ دنوں سے اپنی بیوی لکشمی کے ساتھ جھگڑا چل رہا تھا، بیوی نے جھگڑے کے بعد اپنے بھائیوں کو بلا لیا۔
رپورٹ کے مطابق پہلے تو لکشمی کے بھائیوں نے اپنے بہنوئی کی خوب پٹائی کی جس کے بعد بھی بیوی کا غصہ ٹھنڈا نہ ہوا تو اس نے اپنے شوہر کو مزید اذیت دینے ٹھان لی۔
رپورٹ کے مطابق بیوی لکشمی نے برہمی کے عالم میں گرم گرم چمچہ لا کر اپنے شوہر کے چہرے پر سوراخ کر دئیے جس کے نتیجے میں وہ جھلس گیا۔ شوہر کی شکایت پر پولیس نے کیس درج کر لیا۔
Comments
- Advertisement -
