ممبئی : بالی ووڈ کے معروف اداکار کارتک آریان نے فلم "بھول بھلیاں ٹو” کی شاندار کامیابی کے بعد اپنے معاوضے میں اضافہ کردیا ہے۔
بھارتی میڈیا کے مطابق اس وقت کارتک آریان ایک فلم میں کام کرنے کا معاوضہ 15 سے 20 کروڑ روپے وصول کرتے ہیں جبکہ حالیہ فلم کی کامیابی کے بعد انہوں نے اس میں اضافہ کرتے ہوئے 35 سے 40 کروڑ روپے کردیا ہے۔
یہ فلم 10 روز میں ہی100کروڑ کلب میں شامل ہوچکی ہے، فلم کی شاندار کامیابی کے بعد یہ خبریں سامنے آئی کہ اداکار نے اپنی فیس میں15 سے20 کروڑ روپے کا اضافہ کردیا ہے۔
دوسری جانب اداکار کارتک آریان نے ان خبروں کی سختی سے تردید کرتے ہوئے اپنے ایک بیان میں کہا تھا پرموشن ہوا ہے لائف میں انکریمنٹ نہیں، یہ بے بنیاد بات ہے۔
