The news is by your side.

Advertisement

بھارتی اداکار خاتون کے کروڑوں روپے ہڑپ کر گئے، مقدمہ درج

ممبئی: ”بگ باس“ اور ”لاک اپ“ جیسے مشہور شوز کا حصہ رہنے والے معروف بھارتی اداکار کرنویر بوہرا ایک خاتون کے کروڑوں روپے ہڑپ کر گئے۔

بھارتی میڈیا کے مطابق کرنویز بوہرا کے خلاف دھوکا دہی کا اسکینڈل سامنے آیا ہے۔ 40 سالہ خاتون نے اداکار کے خلاف 1 کروڑ 99 لاکھ روپے دینے کے نام پر دھوکا دہی کا مقدمہ درج کرایا ہے۔

اوشیوارا پولیس تھانے میں درج کرائے گئے مقدمے میں خاتون نے الزام عائد کیا ہے کہ کرنویز بوہرا نے 2.5 فیصد منافع کے نام پر اسے دھوکا دیا۔

نیوز ایجنسی اے این آئی کے مطابق خاتون نے کہا کہ اداکار نے 1 کروڑ روپے واپس کیے ہیں جب کہ مزید 1 کروڑ 99 لاکھ روپے کرنویز کو دینے ہیں، جب پیسے مانگے تو اداکار اور ان کی اہلیہ نے مجھے ڈرایا دھمکایا اور جان سے مارنے کی دھمکی دی۔

پولیس نے اب تک مقدمے درج ہونے کی تصدیق نہیں کی تاہم نیوز ایجنسی کے مطابق پولیس نے اس معاملے میں تحقیقات شروع کر دی ہے اور جلد ہی کرنویز اور ان کی اہلیہ کو بیان ریکارڈ کروانے کے لیے طلب کیا جائے گا۔

Comments

یہ بھی پڑھیں