بالی ووڈ کے سپر اسٹار کارتک اْریان کو بھارتی صحافی نے ورسٹائل پاکستانی اداکار ہمایوں سعید جیسا ہیرو بننے کا مشورہ دے دیا۔
بھارتی میڈیا رپورٹس کے مطابق بالی وڈ کی مقبول فلم ‘عاشقی’ کا تیسرا سیکوئل آنے جارہا ہے جس میں مرکزی کردار کارتک آریان نبھائیں گے۔
اداکار سمیت فلم کے ڈائریکٹر موہت سوری نے بھی فلم کی پہلی جھلک انسٹاگرام پر شیئر کی۔
اس حوالے سے معروف بھارتی صحافی اور فلمی ناقد روہت جیسوال نے تبصرہ کیا۔
انہوں نےٹوئٹر پر جاری بیان میں کہا ‘میں چاہتا ہوں کارتک عاشقی 3 میں کبیر سنگھ (شاہد کپور) جیسا کردار اپنائیں لیکن وہ کردار دل شکستہ ہونا چاہیے جو کہ گہرے غم میں ہے ناکہ کبیر سنگھ کی طرح جارحانہ ‘۔
I want #KartikAaryan to portray a mixture character similar to #KabirSingh in terms of being Heartbroken not loud but in Deep pain,also a character who is not looking for revenge or peace but answers and forgiveness like Humayun played Daanish role in Meray pass Tum Ho #Aashiqui3
— Rohit Jaiswal (@rohitjswl01) September 5, 2022
روہت جیسوال نے مزید لکھا ‘کارتک کو ایسا کردار بھی اپنانا چاہیے جو عاشق تو ہو لیکن بدلہ نہ لینا چاہتا ہو جیسا ہمایوں سعید نے میرے پاس تم ہو ڈرامے میں نبھایا تھا’۔
واضح رہے کہ فلم عاشقی 1990 میں ریلیز کی گئی تھی جس کے بعد عاشقی 2 کو 2013 میں ریلیز کیا گیا جس میں اداکارہ شردھا کپور نے ڈیبیو کیا تھا اور ان کا ساتھ اداکار ادیتیا رائے کپور نے نبھایا تھا۔
عاشقی ٹو کم بجٹ میں بننے والی فلم تھی جس نے باکس آفس پر کروڑوں روپے کا بزنس کیا تھا۔
