بھارتی ٹی وی اسکرین کی نامور اداکارہ دپیکا ککڑ نے چکاچوند کر دینے والی شوبز انڈسٹری کو چھوڑنے کا اعلان کر دیا ہے۔
بھارتی میڈیا کے مطابق ٹی وی ڈراما سیریل سسرال سمر کا سے شہرت کی بلندیوں پر پہنچنے والی اداکارہ دپیکا ککڑ نے شوبز کی دنیا کو الوداع کہہ دیا ہے اور اب ان کی پوری توجہ اپنے گھر شوہر اور بچوں پر ہوگی۔
دیپیکا ککڑ جنہوں نے 2018 میں بھارتی ڈراما سیریل سسرال سمر کا سے شہرت کی نئی بلندیوں کو چھوا تھا گزشتہ سال اسی ڈرامے کے کو اسٹار شعیب ابراہیم سے شادی کے بندھن میں بندھی تھیں تاہم اس سے قبل انہوں نے اسلام قبول کیا تھا اور اپنا نام بھی دپیکا سے بدل کر فائزہ رکھ لیا تھا۔
دپیکا ان دنوں حاملہ ہیں اور اپنے نئے آنے والے مہمان کو پوری توجہ دینے کے لیے شوبز سے مکمل طور پر علیحدگی کا اعلان کر دیا ہے۔
اپنے حالیہ انٹرویو میں اداکارہ نے کہا کہ وہ اپنے پہلے بچے کی پیدائش کے خیال سے ہی لطف اندوز ہو رہی ہوں شوبز انڈسٹری میں بچپن سے کام کیا لیکن اب اپنی پوری توجہ بطور ماں اور ایک گھریلو بیوی کے طور پر گزارنا چاہتی ہوں اس لیے شوبز کی دنیا کو خیرباد کہنا چاہتی ہوں۔
دپیکا نے کہا کہ انہوں نے اپنے اس فیصلے سے شوہر شعیب کو بھی آگاہ کر دیا ہے کہ میں مزید کام نہیں کرنا چاہتی۔
