The news is by your side.

Advertisement

کورونا وائرس : مشہور بھارتی اداکارہ کیخلاف مقدمہ درج

ممبئی : کورونا وائرس میں مبتلا بھارتی اداکارہ گوہر خان کے خلاف مقدمہ درج کرلیا گیا۔ ان پر الزام ہے کہ انہوں نے ایس او پیز کی سنگین خلاف ورزی کی۔

بھارت کی معروف اداکارہ گوہر خان پر کورونا ٹیسٹ مثبت آنے کے باوجود گھر سے باہر گھومنے پر مقدمہ درج کر لیا گیا ہے۔

برہمومبائی میونسپل کارپوریشن (بی ایم سی) نے گوہر خان کے خلاف ایف آئی آر درج کروائی ہے، ان کا دعویٰ ہے کہ اداکارہ نے کوویڈ 19 رپورٹ مثبت آنے کے بعد ان کے ساتھ تعاون نہیں کیا۔

ایف آئی آر کی ایک کاپی ٹویٹر پر شیر کرتے ہوئے شہری ادارے نے لکھا کہ شہر کی حفاظت میں کوئی سمجھوتہ نہیں بی ایم سی نے بالی ووڈ اداکار کے خلاف مثبت جانچ کے بارے میں کوویڈ19 ہدایات پر عمل نہ کرنے پر ایف آئی آر درج کرادی ہے۔

بھارتی میڈیا کی رپورٹ کے مطابق گوہرخان کی کورونا وائرس کی دو الگ الگ رپورٹ سامنے آئی ہیں، ایک رپورٹ مثبت جب کہ دوسری منفی ہے۔

رپورٹ کے مطابق ممبئی میں کورونا رپورٹ مثبت آنے کے باوجود اداکارہ 12 مارچ کو دہلی کی کورونا کی منفی رپورٹ دکھا کر باہر گھومتی ہوئی نظر آئیں۔

رپورٹ کے مطابق پولیس کی جانب سے اداکارہ کے خلاف مقدمہ درج کر کے اس پورے معاملے کی تفتیش کی جارہی ہے۔ خیال رہے کہ بھارت میں گزشتہ روز رواں سال کے سب سے زیادہ 26 ہزار کورونا وائرس کے کیسز رپورٹ ہوئے ہیں۔ سب سے زیادہ کیسز مہاراشٹر میں سامنے آئے ہیں۔

Comments

یہ بھی پڑھیں