The news is by your side.

Advertisement

بھارتی ادکارہ امریکی فوج میں شامل!

بھارتی تامل اداکارہ اکیلا نارائنن نے امریکی فوج میں شمولیت اختیار کرلی ہے، اب بطور وکیل امریکی فوج میں خدمات انجام دیں گی۔

بھارتی نژاد تامل اداکار اکیلا نارائنن نے امریکی فوج میں وکیل کے عہدے پر فائز ہوکر تاریخ رقم کی ہے۔

اکیلا نارائنن نے گزشتہ سال ہدایتکار ارول کی ہارر تھرلر فلم کدمپاری سے اپنے فنی کیریئر کا آغاز کیا تھا۔

اطلاعات کے مطابق امریکی فوج میں شمولیت سے قبل انہوں نے کئی ماہ تک تربیت حاصل کی، تربیت مکمل کرنے کے بعد اداکارہ اب بطور وکیل امریکی فوج میں شامل ہوگئی ہیں۔

اکیلا نارائنن اس کے علاوہ موسیقی کا ایک آن لائن اسکول نائٹنگیل اسکول آف میوزک بھی چلا رہی ہیں۔

اس حوالے سے اکیلا نارائن کا کہنا تھا کہ والدین نے ان کے ہر قدم پر ان کا بھرپور ساتھ دیا ہے پہلے ان کے اداکارہ بننے کے خواب اور اب امریکی فوج میں شامل ہونے کے خواب میں بھی انہوں نے اپنی بیٹی کا بھرپور ساتھ دیا ہے۔

بھارتی نژاد اداکارہ امریکا میں مقیم ہیں اور اداکاری کی شروعات گزشتہ سال تامل فلم کدمپاری سے کی، جس کی ہدایتکاری ارول نے دی تھی جب کہ فلم کے موسیقار پرتھوی تھے۔

Comments

یہ بھی پڑھیں