نئی دہلی : بھارتی ایئرلائن انڈیگو ایئر نے پاکستانی فضائی حدود کی بندش کے پیش نظر ترکش ایئر لائن سے معاہدہ کرلیا۔

تفصیلات کے مطابق پاکستانی فضائی حدود کی بندش کے پیش نظر بھارتی ایئرلائن نے ترکش ایئرلائن سے نیاکوڈ شیئر معاہدہ کرلیا۔

معاہدے کے تحت بھارت سے انڈیگو ایئر کے مسافروں کو ترکش ایئرلائن استنبول پہنچائے گی، انڈیگو ایئر ہفتہ وار 55 سے زائد پروازیں بھارت سے استنبول کیلئے آپریٹ کرتی ہے۔

بھارتی ایئرلائنزکو پاکستانی فضائی حدود بندش سے یومیہ کروڑوں بھارتی روپے کا نقصان ہو رہا ہے۔

خیال رہے پاکستان کی فضائی حدود بھارتی طیاروں کے لیے تاحال بند ہیں، گزشتہ 21روز کےدوران 2300 سے زائد بھارتی پروازیں متاثر ہوئیں۔

بھارتی ایئرلائنز کو گزشتہ 21 روزمیں 460 کروڑروپے سے زائد کا جھٹکا لگا ہے، اس دوران ایئر انڈیا، آکاسا ایئر، اسپائس جیٹ، انڈیگو ایئر، ایئر انڈیا ایکسپریس کی پروازیں متاثر ہوئیں۔