بھارتی اسپورٹس میزبان نے براہ راست نشریات کے دوران رشبھ پنت کے آئوٹ ہونے پر شدید غصہ کرتے ہوئے اسٹوڈیو میں ٹی وی توڑ دیا۔
آئی پی ایل میں حیدرآباد سن رائزر اور لکھنؤ سپر جائنٹس کے درمیان ہونے والے مقابلے میں رشبھ پنت کے آئوٹ ہونے پر بھارتی اسپورٹس چینل اسپورٹس تک کے ساتھی میزبان آپے سے باہر ہوگئے، انھوں نے براہ راست پروگرام میں ٹی وی اسکرین کو توڑ دیا اور شیشے کی میز کو تقریباً گرا دیا۔
رشبھ پنت کی بیٹنگ آئی پی ایل میں زیربحث ہے، ان کی حالیہ کارکردگی سے ناخوش مشہور بھارتی اسپورٹس یوٹیوب چینل کے اسپورٹس پریزنٹر نے غصے میں اسٹوڈیو کے سامان اور آلات کو نقصان پہنچایا۔
لائیو نشریات کے دوران اسپورٹس تک کےساتھی میزبان نے ٹی وی اسکرین پر چیزیں پھینکیں اور شیشے کی میز کو اپنے سامنے دھکیلنا شروع کردیا۔
ٹی وی پر چیزیں پھینکنے سے قبل میزبان نے کہا کہ "آئی پی ایل چل رہا ہے، رشبھ پنت کو موقع ملا لیکن میں آپ کو بتا رہا ہوں سب کو پتا چل چکا ہے کہ وہ کس قسم کی کارکردگی دکھائیں گے”۔
میبان نے کہا کہ آپ رشبھ پنت پر بھروسہ نہیں کر سکتے۔ وہ کس طرح کا کپتان ہے؟ ہمیں اس جیسے کپتان کی ضرورت نہیں ہے”۔
اس بار آئی پی ایل میہں رشبھ پنت سے ان کے مداحوں کی توقعات کافی بلند ہیں لکھنؤ سپر جائنٹس نے میگا نیلامی میں انھیں 27 کروڑ روپے کی خطیر رقم میں خریدا تھا جو کہ آئی پی ایل کی تاریخ میں کسی بھی ٹیم کی طرف سے سب سے زیادہ بولی تھی۔
