site
stats
اہم ترین

بھارتی فوج کی فائرنگ، دوجوان شہید، جواب میں5بھارتی فوجی ہلاک

ispr

راولپنڈی: جنگی جنون میں مبتلا بھارتی فوج نے ایک بار پھر لائن آف کنٹرول کی خلاف ورزی کرتے ہوئے ایل او سی کے مختلف سیکٹرز پر بلااشتعال فائرنگ کی، جس کے نتیجے میں ایک فوجی جوان شہید،2 شدید زخمی ہوگئے، پاک فوج نے جوابی فائرنگ کرکے متعدد چوکیاں تباہ اور پانچ بھارتی فوجی جہنم واصل کردیئے۔

پاک فوج کے شعبہ تعلقات عامہ (آئی ایس پی آر ) کے مطابق بھارتی فوج کی ایل اوسی پر اشتعال انگیزی جاری ہے، بھارتی فوج نے نیزاپیر، سبزکوٹ، کیانی سیکٹرز پر چوکیوں کو اپنی گولہ باری کا نشانہ بنایا۔

بھارتی فوج کی فائرنگ سے ایک فوجی جوان شہید اوردو شدید زخمی ہوگئے جبکہ بھارتی فوج نے مقامی آبادی پر بھی گولہ باری کی،جس کے نتیجے میں دو شہری شہید اور پانچ زخمی ہوئے۔

ڈی جی آئی ایس پی آر کے مطابق پاک فوج نے منہ توڑ جواب دیتے ہوئے بھارت کے پانچ فوجی جہنم واصل کردیئے اور کئی فوجی زخمی بھی ہوئے جبکہ پاک فوج کی فائرنگ سے بھارتی چوکیاں بھی تباہ ہوئیں۔

ڈی جی آئی ایس پی آر کا کہنا ہے کہ پاک فوج ایل او سی پر بھارتی اشتعال انگیزی کا بھرپورجواب دیتی رہے گی اور اسی طرح پاک فوج کے منہ توڑجواب پربھارتی توپیں خاموش ہوتی رہیں گی۔

یاد رہے کہ رواں برس بھارتی فوج کی جانب سے متعدد بار لائن آف کنٹرول کی خلاف ورزی کی جاتی رہی ہے، بھارت اپنے داخلی اور سیاسی کشیدگی اور کشمیر میں جاری ظلم و بربریت سے توجہ ہٹانے کے لیے لائن آف کنٹرول پر بلااشتعال فائرنگ کا عمل جاری رکھے ہوئے ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top