بزدل بھارتی فوج ایل او سی پر شکست کے بعد شہری آبادی کونشانہ بنانے لگی تاہم پاک فوج نے دشمن کی جارحیت کا منہ توڑ جواب دے رہی ہے۔
تفصیلات کے مطابق فوجی ناکامی کے بعد بھارت نےمعصوم نہتے شہریوں پر گولہ بارود شروع کردی، سیکیورٹی ذرائع نے بتایا کہ بھارتی فوج نے ہجیرہ، فارورڈکہوٹہ ، کھوئی رٹہ میں آبادی کو نشانہ بنایا، بلااشتعال فائرنگ سے 5 شہری شہید جبکہ 7 زخمی ہو گئے، زخمیوں میں خواتین اور کم سن بچے بھی شامل ہیں۔
سیکیورٹی ذرائع کا کہنا ہے کہ شہری آبادی پر بلااشتعال گولہ باری جاری ہے ، بلااشتعال گولہ باری کے نتیجے میں شہری آبادی کو شدید نقصان پہنچا۔
پاک بھارت کشیدگی سے متعلق تمام خبریں
ذرائع نے کہا کہ بھارتی فوج شہری آبادی پر بھاری ہتھیاروں کااستعمال کررہی ہے، جوابی کارروائی میں بھارتی فوج کی توپیں خاموش ہوگئیں۔
پاک فوج نے دشمن کی جارحیت کا منہ توڑ جواب دے رہی ہے جس میں ان کو بھاری نقصان اٹھانا پڑرہا ہے۔
سیکیورٹی ذرائع نے مزید کہا کہ بھارتی جارحیت کی ایل او سی پر بھارتی جارحیت کےشواہد منظر عام پر آگئے ہیں اور دہشتگردوں کیخلاف کارروائی کابھارتی حکومت ،فوج کا جھوٹا پروپیگنڈا عیاں ہو گیا، بوکھلاہٹ کا شکاربھارتی فوج ایل اوسی پرمعصوم شہریوں کو بربریت کانشانہ بنا رہی ہے۔
