The news is by your side.

Advertisement

ریاض: خانہ کعبہ کی توہین کی کوشش پر بھارتی شہری گرفتار

ریاض: سعودی عرب میں مبینہ طور پر خانہ کعبہ کی توہین کے الزام میں ایک بھارتی تارک وطن کو گرفتار کرلیا گیا۔

تفصیلات کے مطابق سعودی حکام کا کہنا ہے کہ مذکورہ بھارتی شہری نے خانہ کعبہ کی تصاویر میں اپنی مرضی سے تخفیف کر کے انہیں اپنے سماجی رابطوں کی سائٹس پر شیئر کیا تھا۔

سوشل میڈیا پر جعلی تصاویر شیئر ہوتے ہی سعودی پولیس حرکت میں آگئی اور مختلف مقامات پر تلاش کے بعد بالآخر بھارتی شہری کو گرفتار کرنے میں کامیاب ہوگئی۔

واضح رہے کہ سعودی عرب میں مقدس مقامات کی توہین باقاعدہ جرم ہے اور اس کے لیے سوشل میڈیا کا استعمال کرنا سعودی عرب کے سائبر قوانین کی بھی خلاف ورزی ہے۔

سعودی عرب کے سائبر قوانین کے بارے میں جانیں *

سعودی عرب میں اس سے قبل بھی ایک بلاگر رائف بداوی کو توہین مذہب کے الزام میں دس سال قید اور ایک ہزار کوڑے مارے جانے کی سزا سنائی گئی تھی۔

بداوی نے سنہ 2008 میں سعودی عرب میں ’لبرل سعودی نیٹ ورک‘ کے نام سے ایک آن لائن فورم تشکیل دیا تھا جس کا مقصد سعودی عرب میں مذہبی اور سیاسی معاملات پر بات چیت کی حوصلہ افزائی کرنا تھا۔ تاہم بداوی کی اس کوشش کو توہین مذہب کا نام دیا گیا اور اسے سزا وار ٹہرایا گیا۔

Print Friendly, PDF & Email

Comments

comments

یہ بھی پڑھیں