The news is by your side.

Advertisement

بھارتی بورڈ کا بنگلادیش کرکٹ پر بھی وار

بھارتی کرکٹ بورڈ نے بنگلادیش کرکٹ پر بھی وار کر دیا۔ انڈین لیگ کے لیے انگلش ٹیم کا دورہ ‏بنگلادیش منسوخ ہو گیا۔

کرکٹ پر اجارہ داری قائم کرنے کے لیے انٹرنیشنل کھلاڑیوں کو دھمکانے اور دھونس جمانے والے ‏بھارتی بورڈ نے ایک اور انٹرنیشنل سیریز کو اپنے دباؤ کے زیرِاثر لے لیا۔

آئی پی ایل ری شیڈول میچز کی وجہ سے انگلینڈ نے بنگلا دیش کادورہ منسوخ کیا ہے۔ بنگلہ دیش ‏کے دورے کے بجائے انگلش کھلاڑی آئی پی ایل کھیلیں گے۔

بنگلا دیش میں انگلینڈکو3 ون ڈےاور3 ٹی ٹوئنٹی کھیلناتھے تاہم دورہ منسوخی کے باعث اب یہ ‏میچز آئندہ 18 ماہ تک ممکن نہیں ہو سکیں گے۔

اس سے قبل انگلینڈ بورڈ نے واضح کیا تھا کہ ان کے لیے اولین ترجیح انٹرنیشنل ٹورز ہیں اور انگلش ‏کوچ نے کھلاڑیوں کو قومی ذمہ داریوں کو ترجیحاً ادا کرنے کی ہدایت بھی کی تھی۔

انگلش ٹیم کے دورہ بنگلادیش منسوخ کرکے بھارتی لیگ کھیلنے کی ایک بڑی وجہ یو اے ای میں ‏آئی پی ایل کا انعقاد ہے چونکہ ٹی ٹوئنٹی ورلڈکپ بھی امارات میں منعقد ہوگا تو میگا ایونٹ کی ‏تیاریاں بھی دورہ بنگلادیش منسوخی کا ایک بہانہ بنا ہے۔

Comments

یہ بھی پڑھیں