بی سی سی آئی کے حکام نے آل راؤنڈر ہاردک پانڈیا کے رانجی ٹرافی نے کھیلنے کے پیچھے وجوہات سے آگاہ کردیا۔
بورڈ آف کنٹرول فار کرکٹ ان انڈیا بعض بھارتی کرکٹرز کے لیے رانجی ٹرافی میں شرکت پر زور دیتا رہا ہے۔ تاہم ہاردک پانڈیا کے معاملے میں بورڈ نے یہ رویہ نہیں اپنایا جس کی وجہ اس بارے میں کافی سوالات اٹھ رہے ہیں۔
بی سی سی آئی یہ یقینی بنانا چاہتا ہے کہ ایشان، کرونل پانڈیا، اور دیپک چاہر جیسے کھلاڑی ریڈ بال کرکٹ کو ترجیح دیں۔ اس کے برعکس ہاردک پانڈیا ان کے مقابلے میں ریلیف لیتے ہوئے نظر آرہے ہیں۔
اس استثنیٰ کے حوالے سے بی سی سی آئی حکام نے کہا کہ ہم ہاردک پانڈیا کے معاملے کو سمجھ سکتے ہیں کیونکہ ان کا جسم اس وقت ٹیسٹ کرکٹ کی سختیوں کو برداشت نہیں کر سکتا۔
انھوں نے کہا کہ وہ ٹیسٹ کرکٹ میں ورک لوڈ کے بوجھ کو برداشت نہیں کرپائیں گے اور ٹیم انڈیا چاہتی ہے کہ وہ آئی سی سی ایونٹس کے لیے فٹ رہیں۔
واضح رہے کہ ہاردک نے آخری بار 2018 میں بھارتی ٹیم کے دورہ انگلینڈ کے دوران ٹیسٹ میچ میں حصہ لیا تھا۔ رانجی ٹرافی میں آخری بار انھوں نے اسی سال ممبئی کے خلاف ایک میچ کھیلا تھا، جس میں انھوں نے سات وکٹیں حاصل کی تھیں اور 73 رنز بنائے تھے۔
