The news is by your side.

Advertisement

“گھر والوں نے بھی ووٹ نہیں دیا”: پانچ ووٹ حاصل کرنے والا بھارتی امیدوار رو پڑا

دہلی: حالیہ بھارتی انتخابات ایک آزاد امیدوار کے لیے ڈراؤنا خواب ثابت ہوئے، صدمے سے کیمرے کے سامنے رو پڑا۔

تفصیلات کے مطابق نیٹو شڑا نامی آزاد امیدوار نے جالندھر سے الیکشن لڑا اور بھرپور مہم چلائی، مگر جب ووٹوں کی گنتی ہوئی، تو پتا چلا کہ اسے صرف پانچ ووٹ پڑے ہیں.

اس واقعے سے متعلق  میڈیا سے بات کرتے ہوئے نیٹو شڑا صدمے سے رو پڑا، اس کا کہنا تھا کہ پانچ ووٹ پڑنے کا دکھ نہیں، اصل دکھ یہ ہے کہ اسے دھوکا دیا گیا.

امیدوار نے روتے ہوئے کہا کہ اس کے اپنے خاندان میں نو ووٹ ہیں، مگر صرف پانچ ووٹ ملنے کا مطلب ہے کہ خاندان والوں نے بھی ووٹ نہیں‌دیا.

مزید پڑھیں: ایک بار پھر مودی سرکار، بھارتی انتخابات میں بی جے پی کی واضح برتری

نیٹو شڑا نے کہا ہے کہ اس نے مجبوری کی حالت میں الیکشن لڑا اور آئندہ وہ کبھی الیکشن نہیں لڑے گا، پانچ ووٹ ملنے پر کوئی کیا الیکشن لڑا.

جذبات کے شدت میں وہ یہ بھی کہہ گیا کہ اس کے ساتھ دھاندلی ہوئی ہے، مشینوں میں‌ گڑبڑ کی گیا ہے.

خیال رہے کہ آج بھارتی میں 7 مراحل میں ہونے الے انتخابات کے غیر سرکاری نتائج کا اعلان کیا گیا، جس کے مطابق بی جے پی نے واضح اکثریت حاصل کر لی ہے.

Comments

comments

یہ بھی پڑھیں