نئی دہلی : بھارت کرکٹ بورڈ نے پاکستان کے ساتھ میچ نہ کھیلنے کا فیصلہ کرتے ہوئے آئی سی سی کو بذریعہ خط اپنے فیصلے سےآگاہ کر دیا۔
تفصیلات کے مطابق بھارتی کرکٹ بورڈ نے پاکستان سے میچ نہ کھیلنے کا فیصلہ کیا ہے اور اس حوالے سے آئی سی سی کو خط لکھ دیا ہے جس میں کہا گیا ہے کہ بین الاقوامی طور پر منعقد کیے گئے کسی بھی ٹورنامنٹس میں پاکستان اور بھارت کو ایک گروپ میں نہ رکھا جائے۔
بھارت کرکٹ بورڈ کے اس فیصلے کو عالمی سطح پر ناپسندیدگی کی نظر سے دیکھا جا رہا ہے. ماہرین کرکٹ کا کہنا ہے کہ اس قسم کے فیصلوں سے شائقین کرکٹ کی دل آزاری ہوتی ہے لوگ روایتی حریفوں کو ایک دوسرے کے مقابل دیکھنا چاہتے ہیں اور ایسے مقابلوں سے لطف و اندوز ہوتے ہیں۔
واضح رہے کہ لائن آف کنٹرول پر کشیدگی کے بعد بھارت کرکٹ بورڈ نے پاکستان کے ساتھ سیریز کھیلنے سے انکار کر دیا تھا جس کے بعد اب آئی سی سی کو بھی اس حوالے سے خط لکھ دیا گیا ہے۔
یا د رہے کہ اس سے قبل بھارتی انتہا پسندوں نے پاکستانی اداکاروں کو بھارت چھوڑنے کی دھمکی دیتے ہوئے 48 گھنٹے کا الٹی میٹم دیا تھا جس کے بعد معروف پاکستانی اداکار فواد خان اور مائرہ خان اپنی زیر تکمیل فلمیں چھوڑ کر واپس وطن لوٹ آئے تھے۔
