احمد آباد: ورلڈ کپ میں شرمناک شکست کے بعد بھارتی کرکٹ فینز آپے سے باہر ہوگئے۔
آئی سی سی ورلڈ کپ 2023 کے فائنل میں ہوم گراؤنڈ میں شکست کے بعد بھارتی کرکٹ شائقین آپے سے باہر ہوگئے، فائنل میں سنچری بنانے والے آسٹریلوی بیٹر ٹریوس ہیڈ کی بیوی اور بیٹی کو ریپ اور قتل کی دھمکیاں دے دیں۔
ٹریوس ہیڈ دنیا کے پہلے کرکٹر بن گئے؟
سوشل میڈیا پر بھارتی کرکٹ کے شائقین نے بدترین کارکردگی پر اپنی ٹیم کے کھلاڑیوں پر تنقید کرنے کے بجائے ورلڈ کپ فائنل میں آسٹریلیا کی جیت کی راہ ہموار کرنے والے بیٹر ٹریوس ہیڈ کی بیوی اور ایک سالہ بیٹی کو ہی نشانہ بنا لیا۔
شین وارن کی ٹریوس ہیڈ سے متعلق سات سال پرانی پیشگوئی وائرل
بھارت کے انتہا پسند شائقین کرکٹ نے ورلڈ کپ کے گزشتہ روز کے اسٹار پلئیر ٹریوس ہیڈ کو جہاں سوشل میڈیا پر گالی دی وہی نفرت اور بدسلوکی کے اس حد تک پہنچ گئے کہ انکی 1 سالہ بیٹی اور بیوی کو عصمت دری کی دھمکیاں دے دی۔
دنیا بھرکے سوشل میڈیا صارفین نے بھارت کے انتہا پسند شائقین کرکٹ کو شرمناک دھمکیوں پرشدید تنقید کا سامنا بنایا۔
متعدد شائقین کرکٹ نے آسٹریلوی کرکٹر کی بیوی اور ایک سال کی بچی کو ریپ کی دھمکیاں دینے والوں کے خلاف فوری کارروائی اور ان کے سوشل میڈیا اکاؤنٹس بند کرنے کا مطالبہ کیا۔
یاد رہے کہ یہ پہلی بار نہیں ہوا اس سے قبل 2021 میں بھی بھارتی کرکٹ ٹیم کے سابق کپتان ویرات کوہلی کی جانب سے مسلمان کھلاڑی محمد شامی کی حمایت کرنے پر انہیں ان کی 10 ماہ کی بیٹی کی ’ریپ‘ کی دھمکی دے دی گئی تھی۔
