بھارت کے نائب آرمی چیف لیفٹیننٹ جنرل راہول سنگھ سے حالیہ پاک بھارت جنگ میں پاکستان کی ٹیکنالوجی پر مہارت کا اعتراف کر لیا ہے۔
غیر ملکی میڈیا کے مطابق بھارت کے نائب آرمی چیف لیفٹیننٹ جنرل راہول سنگھ نے حالیہ پاک بھارت جنگ میں پاکستان سے شکست کا بڑا اعتراف کرتے ہوئے کہا ہے کہ آپریشن سندور میں بھارت پاکستان کے خلاف ناکام ہوا۔
بھارتی نائب آرمی چیف کا پاکستان کی پیشہ ورانہ مہارت کا بھی اعتراف کیا اور کہا کہ پاکستان نے بھارت کے خلاف چینی ٹیکنالوجی کا مہارت سے استعمال کیا، جس کی وجہ سے پاکستان کو بھارت پر برتری حاصل رہی۔
جنرل راہول سنگھ نے یہ بھی کہا کہ پاکستان کو چینی ٹیکنالوجی کا حصول حیرت کی بات نہیں، لیکن ہم مقابلہ نہیں کر سکے۔
واضح رہے کہ جنگی جنون کا شکار مودی سرکار نے اپریل میں مقبوضہ کشمیر میں پہلگام فالس فلیگ آپریشن کی آڑ میں 7 مئی کو رات کی تاریکی میں پاکستان کے شہروں پر حملہ کیا تھا۔
ان حملوں میں فرانسیسی ساختہ جدید رافیل طیارے اور اسرائیلی ڈرونز استعمال کیے گئے۔ ان حملوں میں متعدد پاکستانی شہری شہید بھی ہوئے، جن میں خواتین اور بچے بھی شامل تھے۔
بھارت کا جنگی جنون ختم نہ ہونے پر پاک فوج نے 10 مئی کی علی الصباح آپریشن بنیان مرصوص کے نام سے آپریشن شروع کیا اور صرف چند گھنٹے میں بھارت کے ایئر ڈیفنس سسٹم کو تباہ کر کے اسے گھٹنے ٹیکنے اور جنگ بندی کی پیشکش کرنے پر مجبور کر دیا۔
پاکستان کی اس فتح نے اس کو عالمی سطح پر ایک مضبوط ملک کے طور پر ابھارا جب کہ بھارت کی سیاسی تنہائی میں اضافہ ہوا۔
بعد ازاں امریکی صدر ڈونلڈ ٹرمپ کی مداخلت کے بعد دونوں ممالک میں جنگ بندی عمل میں آئی۔
’’آپریشن بُنْیَانٌ مَّرْصُوْصٌ‘‘، بھارت کے سینے پر تا قیامت دہکتا انگارہ رہے گا! آڈیو پوڈکاسٹ
