امریکی دارالحکومت واشنگٹن میں بھارتی سفارت خانے کے اہلکار کی پُر اسرار موت کے بعد کھلبلی مچ گئی۔
بین الاقوامی خبر رساں ادارے کی رپورٹ کے مطابق امریکا کی مقامی پولیس اور سیکرٹ سروس کی جانب سے گزشتہ روز پیش آنے والے کی واقعے کی تحقیقات شروع کردی گئی ہیں جبکہ امکان ظاہر کیا جارہا ہے کہ مذکورہ شخص نے خودکشی کی ہے۔
میڈیا رپورٹس کے مطابق مرنے والے شخص کی لاش سفارت خانے کے احاطے میں پڑی تھی۔ واقعے سے متعلق مزید تفصیلات میڈیا سے شیئر نہیں کی گئیں۔
بھارتی سفارت خانے نے جمعے کو ایک سرکاری بیان میں اہلکار کی موت کی تصدیق تو کردی مگر یہ نہیں بتایا کہ موت کی وجہ کیا بنی۔
بھارتی میڈیا کے مطابق بھارتی سفارت خانے کے ایک اہلکار کی 18 ستمبر 2024ء کی شام موت واقع ہوئی تھی۔
سفارت خانے کی جانب سے جاری بیان میں کہا گیا تھا کہ لاش کی جلد بھارت منتقلی کے حوالے سے تمام متعلقہ ایجنسیوں اور خاندان کے افراد سے رابطے میں ہیں۔
بی جے پی پولیس کو ’محافظ‘ سے ’حیوان‘ بنا رہی ہے، پرینکا گاندھی
اطلاعات سامنے آرہی ہیں کہ مرنے والے شخص کے بارے میں اضافی تفصیلات خاندان کی رازداری کے باعث جاری نہیں کی گئیں۔