امریکی ریاست مشی گن میں رہنے والے بھارتی ڈاکٹر کو خواتین اور بچوں کی نازیبا ویڈیوز، تصاویر بنانے اور جنسی زیادتی کے جرم میں حراست میں لے لیا گیا ہے۔
بین الاقوامی خبر رساں ادارے کی رپورٹ کے مطابق آکلینڈ کے کاؤنٹی شیرف کا اس حوالے سے کہنا تھا کہ بھارتی ڈاکٹر عمیر اعجاز کو 8 اگست کو اپنے اسپتال کے کمروں اور باتھ روم، یہاں تک کہ گھر کے مختلف مقامات پر خفیہ کیمرے لگانے کے جرم میں حراست میں لیا گیا ہے۔
انہوں نے کہا کہ بھارتی سے تعلق رکھنے والا ڈاکٹر عمیر اعجاز خفیہ کیمروں کے ذریعے بچوں اور خواتین کی نازیبا ویڈیوز ریکارڈ کرتا تھا۔
بھارتی ڈاکٹر عمیر اعجاز کی اہلیہ نے اس معاملے کی اطلاع پولیس کو دی جبکہ اہم شواہد فراہم کرنے کے بعد بھارتی ڈاکٹر کو گرفتار کیا گیا۔
پولیس نے دورانِ تفتیش مجرم کے کمپیوٹر اور موبائل سے بچوں اور خواتین کی ہزاروں غیر اخلاقی ویڈیوز برآمد کی ہیں۔
سعودی عرب: لاپتہ لڑکی مل گئی
پولیس نے ملزم پر لوگوں کی نازیبا تصاویر، بچوں سے جنسی زیادتی اور ویڈیوز رکھنے کے اور جرائم کے لیے کمپیوٹر کا استعمال کرنے کے الزامات عائد کیے ہیں۔جبکہ مزید تحقیقات شروع کردی گئی ہیں۔
