کراچی: بھارتی دفاعی تجزیہ کار نے اپنی ہی فضائیہ کے پاکستانی ایف 16 گرانے کے بھارتی دعوے کو مضحکہ خیز قرار دے دیا.
تفصیلات کے مطابق بھارت کو اپنے ہی ملک سے اپنے نفرت انگیز پروپیگنڈے کی حمایت نہیں مل سکی، پاکستانی جنگی جہاز گرانے کا دعویٰ ہوا ہوگیا۔
بھارتی نجی ٹی وی چینل کے جنگی جنون میں مبتلا اینکر نے چند تصاویر دکھاتے ہوئے کہا کہ بھارتی فضائیہ جانتی ہے، یہ ایف 16 ہے، یہ بالکل وہی پارٹ ہے، جو ایف سولہ میں ہوتا ہے، پاکستان کا جھوٹ کھل کر سامنے آگیا.
اس ہرزہ سرائی کو بھارتی دفاعی تجزیہ کار ہی نے رد کر دیا. تجزیہ کار نے کہا کہ میں تو کہوں گا کہ آپ کی بات پوری طرح درست نہیں، یہ پارٹ مگ ٹوئنٹی ون کا ہے،جو انجن آپ نے دکھایا کہ یہ جی ای ایف 100 ہے.
مزید پڑھیں: پاک بھارت کشیدگی: وزیر اعظم کا ترک صدر اور ولی عہد یو اے ای سے رابطہ
بھارتی دفاعی تجزیہ کار نے مزید کہا کہ پاکستان پلاٹینم وٹنی استعمال کرتا ہے، جو ڈائمنڈ شیپ کا ہوتا ہے، یہاں پر ایف 16 کا انجن ہو ہی نہیں سکتا.
دفاعی تجزیہ کار نے مزید کہا کہ نہ ہی اس خول میں ایف 16 کا انجن فٹ ہوسکتا ہے، یہ دعویٰ جھوٹا ہے.
