افغانستان اور بنگلہ دیش کے درمیان ورلڈکپ مقابلے کے دوران بھاتی تماشائی افغان بولر نوین الحق کو کوہلی کا نام لے کر چڑاتے رہے۔
تفصیلات کے مطابق افغانستان کی ٹیم عالمی کپ میں اپنے پہلے میچ میں بنگال ٹائیگرز کے خلاف مدمقابل تھی۔ اس دوران فاسٹ بولر نوین الحق باؤنڈر پر فیلڈنگ کرنے کے لیے آئے تو ان کی اور کوہلی کی لڑائی کا حوالہ دیتے ہوئے بھارتی شائقین نعرے لگانے لگے۔
وائر ہونے والی ویڈیو میں دیکھا جاسکتا ہے کہ نوین الحق باؤنڈری لائن پر فیلڈنگ کررہے ہیں اور بھارتی شائقین ان کے پیچھے کوہلی کوہلی چلار رہا ہے۔
کچھ شائقین زور وشور سے بھارتی بیٹر کا نام لینے کے دوران نوین الحق کی ویڈیو بھی بنا رہے ہیں جب کہ فاسٹ بولر ان نعروں کو خاطر میں نہ لاتے ہوئے فیلڈنگ کرنے میں مصروف ہیں۔
'Kohli, Kohli' chants at Dharamshala Stadium in front of Naveen Ul Haq. pic.twitter.com/GJfDOpZyVB
— Mufaddal Vohra (@mufaddal_vohra) October 7, 2023
خیال رہے کہ انڈین پریمیئر لیگ (آئی پی ایل) میں گوتم گھمبیر اور نوین الحق ویرات کوہلی سے الجھ پڑے تھے۔ویرات کوہلی کی ٹیم رائل چیلنجرز بنگلور نے گوتم گمبھیر کی ٹیم لکھنؤ سپر جائنٹس کو شکست دی تھی جس کے بعد گرما گرمی دیکھنے میں آئی تھی۔
میچ کے بعد ویرات کوہلی اور لکھنؤ سپر جائنٹس کے کھلاڑی ہاتھ ملانے لگے تو پہلے نوین الحق نے ویرات کوہلی سے الجھ پڑے جس کے بعد گوتم گمبھیر اور کوہلی کے درمیان بھی جملوں کا تبادلہ ہوا۔
سوشل میڈیا پر گوتم گمبھیر اور نوین الحق کی ویڈیو کافی وائرل ہوئی تھی جب ک صارفین کی جانب سے انھیں تنقید کا نشانہ بنایا گیا تھا۔
