نئی دہلی: بھارتی کسانوں نے حکومت کا امدادی قیمت کا معاہدہ مسترد کر دیا ہے۔
روئٹرز کے مطابق بھارتی کسانوں کی یونینوں نے مودی حکومت کی طرف سے تجویز کردہ کم از کم امدادی قیمتوں (MSPs) کے پانچ سالہ معاہدے کو مسترد کر دیا ہے۔
سیکیورٹی فورسز اور کسان مظاہرین کے درمیان ہفتہ بھر کے تصادم کے بعد اتوار کو وزیر تجارت پیوش گوئل نے کہا تھا کہ بھارتی حکومت نے احتجاج ختم کرانے کے لیے دالوں، مکئی اور کپاس کی ضمانت شدہ امدادی قیمتوں کی پیشکش کی ہے۔
کسانوں کی یونینز کی جانب سے تقریباً 2 درجن فصلوں کے لیے قانون کے مطابق زیادہ قیمتوں کا مطالبہ کیا جا رہا ہے، یونینوں کے رہنما جگجیت سنگھ دلیوال نے سوشل میڈیا پلیٹ فارم X پر کہا کہ حکومتی تجویز کو انھوں نے مسترد کر دیا ہے۔
وزیر تجارت نے کہا تھا کہ حکومت نے کسانوں کے لیے کم از کم امدادی قیمتوں کے لیے پانچ سالہ معاہدے کے تحت کپاس، مٹر، کالی دال، سرخ دال اور مکئی وغیرہ کی فصلیں کوآپریٹو گروپس خریدیں گے اور مقدار کی کوئی حد نہیں ہوگی۔ تاہم زرعی تجزیہ کاروں کہا کہنا ہے کہ حکومت نے کسانوں کے مطالبات کو پوری طرح نظر انداز کر دیا ہے۔
