The news is by your side.

Advertisement

میر پور آزاد کشمیر :سماہنی سیکٹر پر بھارتی فورسز کی گولہ باری

میرپورآزادکشمیر: ضلع بھمبر میں سماہنی سیکٹر پر بھارت کی فوج کی جانب سے شدید ترین گولہ باری اور فائرنگ کا سلسلہ جاری ہے، جس کے باعث رہائشی مکانات کو شدید نقصان پہنچا۔

میرپورآزاد کشمیر ضلع بھمبر میں سماہنی سیکٹر پر آج بھارت کی فوج کی جانب سے بنڈالہ کے علاقہ میں شدید ترین گولہ باری اور فائرنگ کا سلسلہ جاری ہے، بنڈالہ کی سول آبادی پر بھارتی گولہ باری سے پیشتر رہائشی مکانات کو شدید نقصان پہنچا۔

پاک فوج کی بھرپور جوابی کاروائی سے بھارتی توپوں کے منہ بند ہوگے۔

دوسری جانب دن گیارہ بجے سے یونین کونسل کھمباہ کے علاقہ ڈنہ میں بھی بھارتی گولہ باری کا سلسلہ تاحال جاری ہے، لائن آف کنٹرول پر آباد لوگ اپنے گھروں میں محصور نظام زندگی مفلوج تاحال کسی بھی جانی نقصان کی اطلاع نہیں ہے۔


مزید پڑھیں: بھارتی فوج کی نکیال سیکٹر پر فائرنگ، 4 شہری شہید، 6 زخمی


یاد رہے گزشتہ روز بھارتی فوج نے لائن آف کنٹرول کے مختلف مقامات پربلا اشتعال فائرنگ کی جس میں 4 شہری شہید اور 6 افراد زخمی ہوگئے، جواب میں پاک فوج نے بھرپور جواب دیتے ہوئے بھارتی بندوقیں خاموش کرادیں، پاک فوج نے کئی بھارتی چیک پوسٹوں کو نشانہ بنایا۔

واضح رہے کہ تین روز قبل ہارٹ اسپرنگ، جند روڈ اور نکیال سیکٹر پر کی جانے والی بھارتی فائرنگ سے ایک خاتون شہید اور سات افراد زخمی ہوگئے تھے۔

دوسری جانب ترجمان دفتر خارجہ نفیس زکریا کا کہنا ہے کہ بھارت نے رواں سال 90 سے زائد مرتبہ کنٹرول لائن پر بلا اشتعال فائرنگ کر کے سیز فائر معاہدے کی خلاف ورزی کی ہے۔

Print Friendly, PDF & Email

Comments

comments

یہ بھی پڑھیں