نئی دہلی: بھارتی حکومت نے ہندو برادری کے سب سے بڑا مذہبی تہوار دیوالی کے موقع پر پیٹرولیم مصنوعات کی قیمتوں میں کمی کا اعلان کردیا۔
بھارتی خبررساں ادارے کی رپورٹ کے مطابق حکومت نے دیوالی کی مناسبت سے جمعرات کے روز ملک بھر میں پیٹرولیم مصنوعات کی قیمتوں میں کمی کا اعلان کیا ہے۔
بھارتی حکومت کی جانب سے بدھ کے روز کیے جانے والے اعلان میں کہا گیا ہے کہ دیوالی کے خصوصی موقع پر پیٹرول اور ڈیزل پر عائد ایکسائز ڈیوٹی کو کم کردیا جائے گا۔
On eve of #Diwali, Government of India announces excise duty reduction on petrol and diesel. Excise duty on Petrol and Diesel to be reduced by Rs 5 and Rs 10 respectively from tomorrow pic.twitter.com/peYP1fA4gO
— ANI (@ANI) November 3, 2021
بھارتی میڈیا کے مطابق ملک بھر میں کل سے پیٹرول اور ڈیزل 15 روپے کم قیمت میں فروخت کیا جائے گا۔
To give a further fillip to the economy, Govt of India has decided to significantly reduce excise duty on diesel & petrol. The reduction will also boost consumption & keep inflation low, thus helping the poor & middle classes: Ministry of Finance
— ANI (@ANI) November 3, 2021
یاد رہے کہ ہندو برادری کا مذہبی تہوار دیوالی آج رات سے شروع ہوگا، مندروں میں خصوصی عبادات کا اہتمام کیا جائے گا جبکہ چھوٹے اور بڑے پٹاخے جلا کر اپنی خوشی کو دوبالا کریں گے۔
دیوالی کیا ہے؟
دیوالی ہندو مذہبی تہوار ہے، جسے ہر سال نومبر کے مہینے میں منایا جاتا ہے، اسے روشنیوں کا تہوار یا خوش قسمتی کا تہوار بھی کہا جاتا ہے، اس لیے لوگ اس روز دیے جلاتے ہیں۔
دیوالی کرشن بھگوان کے چودہ سال بن باس کاٹنے کے بعد واپسی کی خوشی میں منائی جاتی ہے۔ اس دن ہندو برادری لکشمی پوجا کرتی اور دعائیں مانگتی ہے جبکہ کاروباری افراد دیوالی کے دن سے نئے کاروبار کی شروعات کو ترجیح دیتے ہیں۔
پانچ روز تک جاری رہنے والا یہ تہوار ہندو ازم، جین ازم، سکھ ازم میں یکساں اہمیت کا حامل ہے، ہندو روایات کے مطابق اس دن کو دولت کی دیوی لکشمی سے بھی منسوب کیا جاتا ہے۔ اس تہوار میں ہندو افراد گھروں کی سجاوٹ کرتے ہیں مٹھائیاں اور کھانے بناتے ہیں۔ ہندو برادری پوجا پاٹ کے بعد پٹاخے اور پھلجڑیاں جلا کر دیوالی کی خوشیاں مناتے ہیں۔
ہندو برادری دیوالی کے موقع پر اپنے عبادت خانوں میں اندر اور باہر خصوصی طور پر سجاوٹ کرتے ہیں جبکہ دیے جلانے کا اہتمام بھی کیا جاتا ہے۔
