نیو یارک: اقوام متحدہ نے بھارتی خاتون صحافی رعنا ایوب کو ہراساں کیے جانے پر مودی سرکار سے اس کے خلاف کارروائی کا مطالبہ کر دیا ہے۔
غیر ملکی خبر رساں ایجنسی کے مطابق مسلمان خاتون صحافی رعنا ایوب کو مودی حکومت کو تنقید کا نشانہ بنانے کے بعد سوشل میڈیا پر ہراساں کیا جا رہا ہے۔
اقوام متحدہ کی انسانی حقوق کے ماہرین نے خاتون صحافی کو ہراساں کرنے کے عمل کو بند کرانے اور رعنا ایوب کو تحفظ فراہم کرنے کا مطالبہ کیا ہے۔
ماہرین کا کہنا ہے کہ مودی حکومت عوامی مفاد میں مسائل کو اجاگر کرنے والی مسلمان خاتون صحافی رعنا ایوب کو جنسی زیادتی کا نشانہ بنانے کی دھمکیوں کے سلسلوں کو رکوائیں اور ایسا کرنے والوں کے خلاف قانونی کارروائی کرے۔
“But who do we vote for, where are the options”
Hope THIS option is making you feel better about your existence because you are as complicit as these terrorists chanting ‘Jai Shri Ram’ to hound and terrorise muslim women. What will it take for the world to notice this terrorism pic.twitter.com/0T8w61sviU
— Rana Ayyub (@RanaAyyub) February 8, 2022
خیال رہے کہ حجاب کے لیے کالج میں جنونی ہندوؤں کے سامنے اللہ اکبر کا نعرہ بلند کرنے والی لڑکی مسکان کے حق میں ٹوئٹ کرنے والی رعنا ایوب کے ایک کروڑ 77 لاکھ روپے ضبط کر لیے گئے تھے جب کہ ان کے خلاف ایف آئی آر بھی درج کی گئی تھی۔
بھارتی تحقیقاتی ایجنسی نے مسلمان صحافی پر منی لانڈرنگ کا الزام لگایا تھا، مودی کی ظالمانہ پالیسیوں پر تنقید کرنے پر رعنا ایوب کو ماضی میں قتل کی دھمکیاں بھی ملتی رہیں۔
رعنا ایوب کا کہنا تھا کہ مجھے ہمیشہ سے سچ بولنے پر جان سے مارنے جیسی دھمکیاں دی جاتی ہیں لیکن کوئی بھی گروہ یا سیاست دان مجھے سچ لکھنے سے نہیں روک سکتا۔