بھارت اور نیوزی لینڈ کے ٹیسٹ میچ کے دوران اسٹیڈیم میں بیٹھ کر گٹکا کھانے والے شخص کی ویڈیو سوشل میڈیا پر وائرل ہوگئی۔
بھارتی میڈیا کے مطابق یہ ویڈیو کانپور میں بھارت اور نیوزی لینڈ کے درمیان کھیلے جانے والے ٹیسٹ میچ کے دوران کی ہے، میچ کے دوران جیسے ہی کیمرے کی نظر تماشائیوں کے اسٹینڈ پر پڑی تو وہاں بیٹھا ایک تماشائی گٹکا منہ میں رکھ کر فون پر بات کرنے میں مصروف تھا۔
ویڈیو میں دیکھا جاسکتا ہے کہ اس کے ساتھ بیٹھی خاتون میچ سے لطف اندوز ہورہی ہے جبکہ وہ منہ میں گٹکا بھر کے فون پر بات کرنے میں مصروف ہے۔
— 💉 (@dtsaae) November 25, 2021
جیسے ہی کیمرے کی نظر ان دونوں تماشائیوں پر پڑی تو ناصرف خاتون نے بلکہ گٹکا کھاتے ہوئے شخص نے بھی ہاتھ ہلا کر اپنے ردعمل کا اظہار کیا۔
بھارتی میڈیا کے مطابق اس شخص کی شناخت شوبت بانڈے کے نام سے ہوئی جو ’گٹکا مین‘ کے نام سے ہی مشہور ہے جبکہ یہ کانپور شہر کا ہی رہائشی ہے۔
شوبت پانڈے کا کہنا تھا کہ وہ اسٹیڈیم میں گٹکا نہیں چھالیہ کھا رہا تھا اور اسٹیڈیم کے دیگر اسٹینڈز میں موجود اپنے دوستوں سے فون پر بات کررہا تھا جبکہ اس کے ساتھ برابر میں بہن بیٹھی ہوئی تھی۔
