نئی دہلی : بھارتی وزیر نے کرونا کے خلاف مؤثر اقدامات کے بجائے اموات کے نہ رکنے کا متنازع بیان داغ دیا۔
غیر ملکی خبر رساں ادارے کی رپورٹ کے مطابق بھارت کا شمار ان ممالک میں ہوتا ہے جہاں کرونا وائرس کی دوسری لہر نے پنجے گاڑے ہوئے ہیں اور یومیہ بنیادوں پر ہزاروں افراد وبا کا شکار اور سیکڑوں ہلاک ہورہے ہیں۔
ایسے حالات میں ریاست مدھیہ پردیش وزیر پریم سنگھ پٹیل نے کرونا سے اموات کا سلسلہ نہ رکنے کا متنازع بیان دیا ہے۔
انہوں نے کہا کہ کرونا سے اموات کو کوئی نہیں روک سکتا، یہ لگاتار ہوتی رہیں گی اور ویسے بھی ایک عمر میں سبھی کو مرنا ہے۔
ساتھ ہی انہوں نے کہا کہ لوگ کرونا سے بچنے کے لیے تعاون کریں اور احتیاطی تدابیر پر عمل پیرا ہوں، ہم اسمبلیوں سے بھی لوگوں سے اپیل کررہے ہیں کہ وہ ماسک پہنیں اور کرونا سے نجات پائیں۔
#WATCH: MP Minister Prem Singh Patel speaks on deaths due to #COVID19. He says, "Nobody can stop these deaths. Everyone is talking about cooperation for protection from Corona…You said that many people are dying every day. People get old and they have to die." (14.04.2021) pic.twitter.com/os3iILZGyM
— ANI (@ANI) April 15, 2021
مدھیہ پردیش کے وزیر پریم سنگھ پٹیل کے بیان کے بعد سوشل میڈیا پر ایک بحث چھڑ گئی ہے اور صارفین کی جانب سے پریم سنگھ پر تنقید کرتے ہوئے ان کی ذہنیت پر سوال اٹھائے جارہے ہیں۔