site
stats
کھیل

پاکستان سپرلیگ میں بھارتی کھلاڑیوں کی شرکت امکانات

لاہور: انگلینڈ اور آسٹریلیا کرکٹ بورڈز کے اصرار کے بعد بھارتی کھلاڑیوں کے ’پاکستان سپرلیگ‘ میں حصہ لینے کے امکانات بڑھ رہے ہیں۔

پاکستان سپرلیگ کا انعقاد فروری 2016 میں شارجہ اوردبئی میں ہوگا جس میں پانچ ٹیمیں حصہ لیں گی جن میں دنیا بھرکے کھلاڑی شامل ہوں گے۔

چند روز قبل آئی پی ایل کے چیئرمین راجیو شکلا بھارتی کھلاڑیوں کی پاکستان سپرلیگ میں شرکت کااشارہ دے بھی چکے ہیں۔

کچھ روز پہلے بھارتی میڈیا میں یہ خبر بھی آئی تھی کہ پاکستان سپرلیگ کے حوالے سے بھارتی کرکٹ بورڈکوکوئی درخواست نہیں ملی، تاہم آئی پی ایل کے سربراہ راجیوشکلا کا کہنا ہےکہ بھارتی کھلاڑی کسی غیر ملکی لیگ میں حصہ نہیں لیتے لیکن پی سی بی نے درخواست کی تو اپنے کھلاڑی پاکستان سپرلیگ میں بھیجنے کا سوچا جاسکتا ہے۔

دوسری جانب ذرائع کا کہنا ہے کہ انڈین کرکٹ بورڈ کو آسٹریلیا اورانگلینڈ کی جانب سے پی ایس ایل میں حصہ لینے کا کہا جارہا ہے۔

پی ایس ایل میں کراچی، لاہور، پشاور، کوئٹہ اوراسلام آباد کی ٹیمیں حصہ لے رہی ہیں جن میں کراچی کی ٹیم سب سے مہنگے داموں نیلام ہوئی ہے۔ کراچی کی ٹیم اے آروائی ڈیجیٹل کے سربراہ سلمان اقبال نے 26 لاکھ ڈالر میں خریدی ہے۔

دوسری جانب لاہور کی ٹیم قطرآئل نے، اسلام آباد کی ٹیم لیونائن گلوبل اسپورٹ نے، پشاورکی ٹیم ہائیرنے اور کوئٹہ کی ٹیم عمرایسوسی ایٹ نے خریدی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top