واشنگٹن : بھارتی وزیر اعظم نریندر مودی امریکا کے نو منخب صدر ڈونلڈ ٹرمپ سے ملاقات کیلیے واشنگٹن ڈی سی پہنچ گئے۔
نریندر مودی جمعرات کی شام صدر ٹرمپ سے وائٹ ہاؤس میں ملاقات کریں گے، بھارتی میڈیا کے مطابق مودی ملاقات سے پہلے غیرقانونی بھارتیوں کی امریکا بدری پر کافی دباؤ میں ہیں۔
یاد رہے کہ صدر ٹرمپ متوقع طور پر بھارت پر بھی تجارتی ٹیرف بڑھانے کا ارادہ رکھتے ہیں،
دوسری جانب ٹرمپ مودی ملاقات سے قبل سکھ فار جسٹس کے مرکزی رہنما گرپتونت سنگھ نے کیپیٹل ہل کا دورہ کیا۔
اس موقع پر گرپتونت سنگھ نے کانگریس اراکین کو قاتلانہ حملہ سازش میں مودی کی ملوث ہونے کے ثبوت پیش کئے۔
ذرائع کے مطابق ٹرمپ مودی ملاقات سے قبل سکھ کمیونٹی اور بھارت میں بسنے والی دیگر اقلیتیں بھی وائٹ ہاؤس کے باہر احتجاجی مظاہرہ کرینگی۔
امریکی میڈیا کے مطابق ڈونلڈ ٹرمپ اور نریندر مودی کے درمیان ٹیرف میں کمی، تجارت میں اضافے اور حال ہی میں امریکا سے بھارتی شہریوں کی ملک بدری پر بات چیت متوقع ہے۔
واضح رہے کہ امریکا سے غیر قانونی طور پر مقیم سیکڑوں ڈی پورٹ کیے گئے بھارتی شہریوں پر 20 دیگر ممالک کے بھی دروازے بھی بند ہوگئے ہیں۔
بھارتی میڈیا کے مطابق ڈی پورٹ کیے گئے یہ شہری اب امریکا تو کیا دیگر 20 ممالک میں بھی قدم نہیں رکھ سکیں گے، ان ممالک میں کینیڈا، نیوزی لینڈ، آسٹریلیا، برطانیہ سمیت 20 دیگر ممالک شامل ہیں۔
