ٹوکیو : بھارتی وزیراعظم نریندر مودی کی جاپانی وزیراعظم سے زبردستی ہاتھ ملانے کی ویڈیو وائرل ہوگئی ، جاپانی وزیرِ اعظم نے کورونا پروٹوکل کی وجہ سے مودی سے مصافحہ کرنے سے گریز کیا تھا۔
تفصیلات کے مطابق بھارتی وزیرِ اعظم نریندر مودی کی ایک اور مضحکہ خیز حرکت سوشل میڈیا پر وائرل ہوگئی۔
ہندوستانی وزیر اعظم نریندر مودی دیگر عالمی رہنماؤں کے ساتھ گلے ملنے اور مصافحہ کے لیے مشہور ہیں، ایک بار پھر جاپانی ہم منصب کے ساتھ ملاقات کے دوران پروٹوکول توڑتے ہوئے دیکھائی دیئے۔
Modi was as usual uncivil, forced his host to do a handshake for the camera!
Just modi things #GoBackModi pic.twitter.com/6KVauClroN— ஏம்பலம் மணி (@Pymanidmk) May 26, 2022
سوشل میڈیا پر گردش کرنے والی ایک ویڈیو میں دکھایا گیا ہے کہ جاپان کے دورے میں نریندر مودی نے اپنے جاپانی ہم منصب سے ملاقات کی ، ملاقات کے دوران جاپان کے وزیراعظم نے کورونا پروٹوکول کی وجہ سے مصافحہ کرنے سے گریز کیا تو مودی نے زبردستی ہاتھ تھام لیا۔
جس کے بعد بھارتی وزیراعظم نریندر مودی کی جاپانی وزیراعظم سے ہاتھ ملانے کی ویڈیو وائرل ہوگئی، جس پر بھارتی وزیر اعظم کو سوشل میڈیا پر تنقید کا نشانہ بنایا گیا۔
ایک صارف نے ٹویٹر پر لکھا کہ "جاپان میں کوویڈ کی وجہ سے سماجی دوری سمیت اقدامات نافذ ہیں، جاپانی وزیراعظم نے ہاتھ جوڑ کر مودی کا استقبال کیا اور ہاتھ ملانے سے گریزاں کیا لیکن مودی نے ہمیشہ کی طرح غیر مہذب انداز میں اپنے ہم منصب کو ہاتھ ملانے پر مجبور کیا۔
