بھارتی خواتین پولیس اہلکار کی جانب سے معذور عورت کو سڑک پر گھسیٹتی ہوئے لے جانے کی افسوسناک ویڈیو سوشل میڈیا پر وائرل ہورہی ہے۔
رپورٹس کے مطابق یہ واقعہ اتر پردیش کے ضلع ہردوئی میں واقع سپرنٹنڈنٹ پولیس آفس کے باہر پیش آیا جس میں پولیس کی اہلکار ایک معذور خواتین کو گھسیٹی ہوئی لے جارہی ہیں۔
سوشل میڈیا پلیٹ فارمز پر وائرل ہونے والی اس پریشان کن ویڈیو میں واضح طور پر دیکھا جاسکتا ہے کہ اترپردیش پولس کا رویہ عام لوگوں کے ساتھ کس قدر سخت ہے۔
وائرل ویڈیو میں خاتون کو شکایت درج کروانے کے لیے پولیس اسٹیشن کی طرف جاتے ہوئے دیکھا جا سکتا ہے جب کہ دو خواتین اہلکار بھی اس کے ہمراہ ہیں۔ تاہم، معذور عورت مبینہ طور پر اچانک سڑک پر احتجاجاً بیٹھ گئی۔
پولیس اہلکاروں نے اسی وجہ سے عورت کو گھسیٹ کر لےجانے کا فیصلہ کیا اور معذور عورت کو بازؤں سے پکڑ کر گھسیٹے ہوئے ایس پی آفس سے پولیس اسٹیشن تک لے جایا گیا۔
महिला सम्मान और सुरक्षा को लेकर @Uppolice की संवेदनहीनता
SP कार्यालय गेट से महिला को घसीट रही है महिला पुलिसकर्मी
घटना हरदोई का बताया जा रहा है।#Hardoi pic.twitter.com/pdyLHkQycv
— Shekhar Dixit (@Pt_shekhardixit) September 30, 2023
مقامی میڈیا کے مطابق معذور عورت گھریلو جھگڑے پر اپنے شوہر کی شکایت درج کروانے آئی تھی۔ پولیس کے مطابق عورت نے شکایت درج کروانے کے بجائے ایس پی آفس کے قریب احتجاج کرنے کا فیصلہ کیا تبھی اسے وہاں سے ہٹایا گیا۔
اس حوالے سے ایس پی نے بتایا کہ واقعے کی تحقیقات کا آغاز کردیا گیا ہے اگر پولیس اہلکار قصوروار پائی گئیں تو ان کے خلاف کارروائی کی جائے گی۔