نئی دہلی: بھارتی وزیراعظم نریندر مودی نے سورج گرہن کا منظر دیکھنے کی تصویر پوسٹ کی تو صارفین نے انہیں آڑے ہاتھوں لے لیا۔
تفصیلات کے مطابق دنیا بھر میں آج سال کا آخری سورج گرہن دیکھا گیا، بھارتی وزیراعظم نریندر مودی نے آج سورج گرہن کا منظر دیکھا اور اپنے ٹویٹر اکاؤنٹ پر تصویر پوسٹ کردی جس کے بعد صارفین نے ان کی کلاس لینا شروع کردی۔
ایک صارف نے لکھا کہ ’مودی جی سامنے سے ہٹ جائیے لوگ کوڑا پھینک رہے ہیں اوپر سے۔‘
ایک صارف ریشو شرما نے نریندر مودی کو رجنی کانت بناتے ہوئے مودی کے ساتھ رجنی کانت کی تصویر شیئر کردی۔
ایک صارف انکور سنگھ نے مودی کے سورج گرہن دیکھنے کے منظر کے ساتھ امریکی صدر ڈونلڈ ٹرمپ اور ان کی اہلیہ میلانیا ٹرمپ کی تصویر شیئر کردی اور لکھا کہ ’واقعے کی ترتیب۔‘
ایک اور صارف نے نریندر مودی کو چشمے کی دکان پر کھڑا کردیا اور ان کے ہاتھ موجود چشمے پر کیپشن دیا کہ ’بھیا اس سے اچھا والا دکھائیے گا۔‘
ایس رویند سنگھ نے ایک لڑکی کی تصویر شیئر کرتے ہوئے لکھا کہ ’جب اس نے میری طرف دیکھا۔‘
یاد رہے کہ آج دنیا بھر میں سال کا آخری سورج گرہن دیکھا گیا، اس کے بعد 2074 میں سورج گرہن دیکھا جائے گا، اس سے قبل 1999 میں سورج گرہن دیکھا گیا تھا۔
