نئی دہلی: بھارتی وزیراعظم نریندر مودی نے کہا ہے کہ پاکستان ایک لڑائی سے نہیں سدھرے گا جبکہ دفتر خارجہ نے جواب دیتے ہوئے کہا کہ بھارت میں انتخابات ہیں یہ سیاسی قیادت کا سیاسی حربہ ہے۔
تفصیلات کے مطابق بھارتی وزیراعظم نریندر مودی نے کہا ہے کہ پاکستان ایک لڑائی سے نہیں سدھرے گا، ایک لڑائی سے پاکستان سدھر جائے یہ سوچنا بڑی غلطی ہوگی۔
بھارتی میڈیا کو انٹرویو دیتے ہوئے نریندر مودی نے کہا کہ سرجیل اسٹرائیک کو خود رات بھر مانیٹر کیا، سرجیکل اسٹرائیک پر ملک میں پاکستان کی زبان بولی جارہی تھی۔
نریندر مودی نے کہا کہ سارک سربراہی اجلاس کی دعوت پر یہ پل پار کیا جائے گا، پاکستان سے ہر موضوع پر بات کرنے کے لیے تیار ہیں، ایسا نہیں ہوسکتا کہ اس موضوع پر بات ہوگی اور اس پر نہیں ہوگی۔
ترجمان دفتر خارجہ کا ردعمل
ترجمان دفتر خارجہ نے ردعمل دیتے ہوئے کہا کہ بھارت میں انتخابات ہیں یہ سیاسی قیادت کا سیاسی حربہ ہے، پاکستان نے ہمیشہ امن کی بات کی ہے۔
ترجمان دفتر خارجہ کا کہنا تھا کہ امن کی خواہش کا اظہار کرتے ہوئے مودی حکومت کو خط بھی لکھا، ایسے بیانات سے مسائل حل نہیں ہوتے ہیں۔
