گوجرانوالہ: فیس بک فرینڈ سے ملنے کے لیے پاکستان آنے والی بھارتی لڑکی کو واپس بھیج دیا گیا۔
ایک اورفیس بک کی دوستی محبت میں بدل گئی، بھارتی شہر ہریانہ کی منجیت کور پاکستانی شہری اویس کی محبت میں گرفتار ہو کر اس سے ملنے پہنچ گئی۔
کرتارپور راہداری کے ذریعے گردوارہ دربار صاحب حاضری کے بعد فیس بک دوست اویس کے ساتھ اس کے آبائی شہر جانے کی کوشش میں سیکورٹی اہلکاروں سے اسے روک لیا۔
ممنوعہ علاقے میں داخلے اور غیرقانونی طور پر دوسرے شہر جانے کی کوشش پر لڑکی کو واپس بھیج دیا گیا۔
پاکستانی نوجوان اویس سبزیاں فروخت کرتا ہے اور منجیت کور سے 3سال قبل فیس بک پر اس سے دوستی ہوئی تھی۔
واقعے سے متعلق بھارتی لڑکی کے والدین کو بھی آگاہ کردیا گیا ہے جب کہ اویس اور اس کے ساتھ آنے والوں کو پوچھ گچھ کے بعد چھوڑ دیا گیا۔
