The news is by your side.

Advertisement

بیساکھی میلہ ختم،سکھ یاتری خوشگواریادیں لیے بھارت واپس روانہ

لاہور: بھارت سے بیساکھی میلے میں شرکت کے لیے آنے والے سکھ یاتری خوشگوار یادیں لے کر بھارت روانہ ہوگئے۔

بیساکھی میلے میں‌ شرکت کرنے والے 2 ہزار سکھ یاتری پاکستان کی مہمان نوازی کے معترف نکلے اور وہ حکومتی اقدامات کی تعریف کیے بغیر نہ رہ سکے، اُن کا کہنا تھا کہ پاکستان سےملنےوالاپیارکبھی نہیں بھول سکتے۔

اس موقع پر گردوارہ پنجہ صاحب آنے والے سکھ یاتریوں کا کہنا تھا کہ پاکستان میں انہیں اپنے گھر جیسا ماحول فراہم کیا گیا جس کیلئے وہ حکومت پاکستان اور خاص طور پر وزیر اعظم عمران خان کے مشکور ہیں۔ سکھ یاتریوں نے کرتار پور راہداری کھولنے پر بھی حکومت پاکستان کا شکریہ ادا کیا۔

یاد رہے کہ حسن ابدال میں واقع گوردوارہ پنجہ صاحب میں سکھوں کا سالانہ مذہبی تہوار کا انعقاد کیا گیا تھا جس میں بھارت سمیت دنیا بھر میں رہنے والے سکھوں نے شرکت کی تھی۔

مزید پڑھیں: بیساکھی میلا، دو ہزار سے زائد بھارتی سکھوں کو ویزے جاری

بھارت سمیت امریکا، برطانیہ اور یورپ کے مختلف ممالک سے سکھ یاتری گردوارہ پنجہ صاحب حسن ابدال پہنچے اور اپنی مذہبی رسومات ادا کیں اس موقع پر سکیورٹی کے سخت ترین انتظامات کیے گئے تھے۔

وفاقی وزیر ریلوے شیخ رشید احمد نے گردوارہ پنجہ صاحب حسن ابدال پہنچ کر سکھ یاتریوں سے ملاقات کی تھی۔ شیخ رشید کا کہنا تھا کہ وزیراعظم عمران خان کی ہدایت پر سکھ یاتریوں کو زیادہ سے زیادہ سہولیات فراہم کی جارہی ہیں۔

یہ بھی یاد ہے کہ بھارت سے کشیدگی کے باوجود پاکستان نے 2200 بھارتی سکھ یاتریوں کو ویزے جاری کیے تھے۔ دفتر خارجہ کے ترجمان ڈاکٹر فیصل کا کہنا تھا کہ نئی دہلی میں قائم پاکستانی ہائی کمشنر کی جانب سے 2200 بھارتی سکھ یاتریوں کو مذہبی تقریبات میں شرکت کے لیے ویزے جاری کیے گئے۔ ڈاکٹر فیصل کے مطابق مذہبی ہم آہنگی اور دونوں ممالک کے عوام کو قریب لانے کے لیے حکومت نے ویزے جاری کرنے کا اہتمام کیا گیا۔

ویزہ حاصل کرنے والے سکھ یاتریپاکستان میں سکھ پنجہ صاحب،ننکانہ صاحب،کرتارپور کا دورہ کریں گے۔ نئی دہلی میں تعینات پاکستانی ہائی کمشنر سہیل محمود نے بیساکھی تہوار کے موقع پر سکھ برادری کو مبارک باد بھی پیش کی۔

یہ بھی پڑھیں: مذہبی رسومات کی ادائیگی کے لیے درجنوں سکھ یاتری پاکستان پہنچ گئے

حسن ابدال میں بھارت سمیت دنیا بھر سے آئے ہوئے سکھ یاتری مذہبی رسومات کی بعد واپس روانہ ہوگئے، بہترین انتظامات پر  سکھ یاتری وزیراعظم عمران خان کے گرویدہ ہوگئے ۔

Comments

comments

یہ بھی پڑھیں