ممبئی : بھارتی گلوکارہ نوپور سانون اپنی تصاویر اور ویڈیوز شیئر کرتی رہتی ہیں، حال ہی میں نوپور نے انسٹا گرام پر ایک ویڈیو شیئر کی ہے جس میں انہوں نے پاکستانی گلوکارہ مومنہ مستحسن کا گانا "باری ” گایا ہے۔
ملک کی معروف گلوکارہ مومنہ مستحسن کا پنجابی گانا "باری” بھارت میں بھی کافی مقبول ہوا ہے۔ اس گانے میں مومنہ مستحسن نے گلوکار بلال سعید کے ساتھ پرفارم کیا ہے، پنجاب کی روایتی ثقافت سے سجے گانے میں مومنہ اوربلال سعید کی متاثرکن پرفارمنس ہے۔
بھارتی گلوکارہ کریتی سانون کی بہن نوپور سانون نے سماجی رابطے کی ویب سائٹ انسٹاگرام پر ایک ویڈیو شیئر کی جس میں انہوں نے گلوکارہ مومنہ مستحسن کا گانا گا کر انہیں خراج تحسین پیش کیا ہے۔
View this post on Instagram
اس ویڈیو کے کیپشن میں انہوں نے لکھا کہ آپ کے دل کی دیواریں ٹوٹنی تو چاہئیں لیکن کسی اچھے آدمی کیلئے اور اگر آپ کسی کھوئے ہوئے کو پانا چاہتے ہیں تو پہلے خود کو تلاش کرنا ہوگا، یہ اس گانے میں میری پسندیدہ لائنیں ہیں۔
مزید پڑھیں : مومنہ مستحسن اور بلال سعید کا ’باری 2‘ ریلیز ہوتے ہی چھا گیا
اس ویڈیو میں انہوں نے مومنہ مستحسن اور بلال سعید کو بھی ٹیگ کیا ہے، سوشل میڈیا پر اس گانے کو مداحوں کی جانب سے خوب سراہا جارہا ہے صارفین اپنی پسندیدگی کا اظہار کررہے ہیں۔