The news is by your side.

Advertisement

بھارتی فوج کا سرجیکل اسٹرائیکس کی جعلی ویڈیو بنانے کا انکشاف

سری نگر: مقبوضہ کشمیر کے رکن اسمبلی عبدالرشید نے بھارتی فوج کے سرجیکل اسٹرائیک کے دعوے کا پول کھول دیا اورکہا ہے کہ بھارتی فوج کشمیرکے علاقے میں تین دن سے سرجیکل اسٹرائیک کی جعلی ویڈیو بنانے میں مصروف ہے۔


رکن اسمبلی عبدالرشید نے بتایا کہ بھارتی فوجی تین دنوں سے سرجیکل اسٹرائیکس کی جعلی ویڈیو بنانے میں مصروف ہیں یہ ویڈیو لیپا سیکٹر کے سامنے بنائی جارہی ہے۔

انہوں نے کہا کہ میرے حلقے کے مقامات پر گزشتہ 20 روز سے فائرنگ کا کوئی واقعہ پیش نہیں آیا، میرے حلقے کے دو مقامات پرسرجیکل اسٹرائیکس کا ڈرامہ رچانے کی ویڈیو بنائی جارہی ہے جس کا لوگ آ کر مجھے بتارہے ہیں۔

انہوں نے سوال اٹھایا کہ آخر سرحدی علاقے سے لوگوں کو نکالنے کا مقصد کیا ہے۔

Comments

comments

یہ بھی پڑھیں